احدث وسيلة للسرقه حتى الان

اليكم احدث وسيلة للسرقه ..
كان في سواق ميكروباص ماشي في طريق القاهره للفيوم في امان الله
فوقفه واحد و قاله طريق الفيوم قاله اركب .فركب على الكرسي الي جنب السواق
و بعد كيلو من الطريق وقف اربع رجاله الميكرو باص و طلبوا انهم يركبوا ...
اتنين منهم قالوا للسواق هنركب جنبك في الكرسيين الي قدام عشان نعرفك طريقنا ...
فقالهم : ما المكان واسع اهه يا جماعه اركبوا ف اي حته
ركبوا و طلع السواق بيهم....
فقالوا : ليه هو ليه مخلتش حد مننا يعد جنبك و يعرفك الطريق اسهل
فقالهم : معلش عشان الراجل الي جنبي ده هتعدوا ازاي؟! (الراجل الي ركب معاه في الاول)
قعدوا يضحكوا قدامه و يقولوا ليه هو انت مجنون ولا ايه مين الي جنبك ده احنا مش شايفين حد !!
راح السواق استغرب و قال للراجل هو في ايه ؟
را قال له " انا ملك الموت و ربنا بعتني ليك عشان اقبض روحك بعد عشر دقايق من دلوقتي ..و محدش هيشوفني غيرك شوف ان كنت تستغفر ولا تصلي ركعتين "
راح الراجل اتخض و قالهم انتوا مش شايفين حد فعلا؟؟!!
قالولوه هو انت مجنون ولا ايه لا مش شايفين اطلع يا عم و بلاش تخاريف ورانا شغل



راح السواق نزل من الميكروباص و طبعا سايب كل حاجاته و جريييييييييييييييييييييييي..


شوفته النصب و السرقه وصلت لايه بجد حسبي الله و نعم الوكيل